PRESS RELEASE

NO.40/2025

SIAHA, 11 Pachawh, 2025, Chutynoh - Atanoh zâlâ dawh 1:30 PM pata atahmâhlâ African Fwine Fever (ASF) hri charei ngâpa nata suhro lâ tawhta sa thiechiehpa lapangiapazy chôchâh reipahmaopa ta  Vety. Dawtyzy hleikhô ta Siaha khihchhôh liata Awhsa nata Ngasa zuatuhpazy nata Joint VCs zy ta Pihnô S. Lalmuanpuii, Sr. LAO, MADC room liata meeting hneipa a châ.

He Meeting he Pihnô S. Lalmuanpuii, Sr. LAO, MADC ta chhihtha ta, member zy hnohta alynabie a reih khai tawhta Dr. Mesak Solo ta sa pathaihpa nie awpa nata hri-ia pathaih kawpa eima nie thei nawpa ta pachuna (power point presentation) daihti a hmâh. 

Thu thei leina thohna (preservative) hmâpa he chyhsa châta chichhih kawpa a chazie a reih. He hmâpata Viarâh nata suhro lâ tawhta sa thiechiehpa ama vaw lapangia tyhpa he preservatives hmâpa a châ thei pa vaâa, chyhsa châta a phalei kawpa a châ zie a reih.

Dr. Beizakaw Vytuchhôh, DVO, MADC ta Sahro hri(pasana) chi nano nanopa tawhta eimâ boh awpa apeimawh zie nata zawpi zy hlâta sa athiepa, achaituhpa zy he hri-iah akia  theipa a ma châ zie a reih.

Sa thietuhpazy nata a zuah tuhpazy ta hmialâ daihti liata keimo sahroh zaopa (local products) tlai eima khihpi chhôh liata chalei ta, zuah tyhpa châsala, suhro lâ tawhta sathie chiehpa lapangia khao lei awpa ta a haw ei ta, zawpi zy chhao sa hri-iah pathaihpa nata local products ngâlâh chalei tyh awpa ta ahawpa eima châ hra.

ISSUED BY:

Information & Publicity Department

Mara Autonomous District Council

Siaha.