PRESS RELEASE

NO.145/2022

SIAHA, 9 Phiata, 2022, Abeipanoh - Zâhnia târi 08.10.2022 kha ta Guwahati based Campany APRIN MD Puhpa Chandan Borthakur zy ta Dy. CEM tlôna Hotel Kiranshree Grand liata Puhpa Lalmalsawma Zasai, Dy. CEM, MADC nata Puhpa Beihruakhai, EM (Agri.), MADC zy cha apakyhpa ta MADC Area liata Kheih pasana awpa chôchâhzy, Bâhla chheina dâh nata Education lâ liata hmah ama la chiehna nano nanopazy ama reikhoh.

APRIN zy ta North East Autonomous District Council ry liata project nano nanopa ama taopa nata a pitloh dâhzy reikhoh ei ta, cha nahzy hry liata Kheih pasapazy châta hmah ama lapazy cha MADC Area liata siekhei awpa ta Dy. CEM leh EM (Agri) MADC zy he ta ahaw ei ta, amâ hawna hawhta Bee Farmer zy châta November 2022 thla chhôh liata Bee Box 300 pie awpa nata asu liata hâta eikha chhâ Training hneikhei awpa ta pathlupa a châ hra. 

Patohpatiana dâh hawhta cha Kheih pasapa (Bee farmers) apahâhpazy ta Pilot project châta manôh 20-30 rachhôh atlyhpa ta hmahlakhei tuapa châ sala, he project he a hlaotlohpa ta a châkhiah Kheihpasatuhpa hluhvia hnoh ta project he siekhei lymâpa châsala tahpa a châ.

Kheihti he ahluh kawpa ta lapapua theipa a châ khaih market lâ chhao APRIN he ta hmahlakhei lymâ awpa amâ chhuah tahpa ama reih hra.

ISSUED BY:

Information & Publicity Department

Mara Autonomous District Council

Siaha.