SIAHA, 28 Khihpa, 2022, Pobienoh - Atanoh dawh 1:00 PM pa ta MSO Branch: Amôtlâh zy ta 12th Term MADC Election liata hlaotlohna atopa nata ama biatuhpa MDC Puhpa HC. Lalmalsawma Zasai, Dy. CEM, MADC hnohta palyupalihna nata alykheina châta ano Office chamber liata Ryuchâ pha kawpa ama hlâ.

Ryuchâ lia he hawhta alykheina bie ama roh:-

“Atakô 2022 Mara Autonomous District Council 12th Term MADC Election hneina liata Khazohpa ngiachhiena Byhnâ topa ta hlaotlohna na vaw topa he keimo MSO Branch: Amôtlâh zy ta châly khei pi ta, eimâ châpalaikhei hmeiseih.”

“Eimâ châlykheizie nata eimâ châpalaikheizie palâsana ta he Ryuchâ he eima cha hlâ. Hmialâ daihti na sie lymâ nawpa liata Abeipa ta cha chhihtha sala, tha chapatlô lymâ mawh sy.”

“For God and Maraland”

Puhpa HC. Lalmalsawma Zasai, Dy. CEM chata MSO Branch: Amôtlâh zy chô liata alynabie reih ta, hmialâ ama sie lymâ nawpa liata khokheina sâh chaipa a hlâ ei.