PRESS RELEASE

NO.67/2024

AIZAWL, 30 Thlazoh, 2024, Chutynoh – Puhpa K. Chhuabei, Hon’ble EM i/c Local Administration Department etc., MADC cha atahmâ he Aizawl su liata châh ngâhai ta, a theina hawhta Mararâh châta Mizoram sawhkhâ office nano nanopazy â daoh laih lymâ.

Atanoh kha atliata liata Siaha kaw tlôpa ta MADC office a vaw tlypa Puhpa K. Sapdanga, Hon’ble Home Minister adaoh ta, târi 15.8.2024 my, MADC CEM’s Conference Hall liata amâ pakyh no ta ama tlôkheipa alaichadai pazina hleikhô ta a ry liata palâsapazy a tlôkhei.

1. Siaha Vaihpi Playground he, Mararâh zawpi eimâ hmaosiah chaina su a châ vâta UD&PA Smart City Project fund tawhta artificial grass phawpa awpa nata public gallery zy apha kawpa ta tao awpata.

2. District Jail Building thlai miah sapa awpata.

3. Mizoram Police manôh 290 ama la awpa liata Siaha District châta a eihrâh kawpa ta Siaha su liata Recruitment miah taopa awpata.

He nahzy hleikhô ta hmo peimawh hropazy chhao tlôkhei ta, Puhpa Sapdanga chhao ta apahy kawpa ta avaw chhy ta, a vaw tlôkheipazy cha a theina hawhta ta tao â chhua zie a vaw chho vâta alynabie a reih.

Puhpa K. Chhuabei, Hon’ble EM he ta eima râh châta hmo peimawh nano nanopazy tlôkheipa ta Secretary DC&MA nata Secretary LAD zy ahmô ta, Director, UD&PA, Director, School Education Department, Director, Horticulture Department zy â hmô pâ hleikhô ta Engineer-in-Chief, PWD chhao ahmô ta, Siaha khichhôh lâthlôh chhie kawpa he tao awpata hmahlakhei awpata a tlôkhei.

EM zachhihpa Puhpa K. Chhuabei he Puhpa Nixon P. Nôtlia. Asst. LO, Mara House, Aizawl ta a chakaochahlâh.

ISSUED BY:

Information & Publicity Department

Mara Autonomous District Council

Siaha.