PRESS RELEASE

NO.56/2023

SIAHA, 09 Pamih, 2023, Pobienoh - Atanoh dawh 10:30 AM pa ta District Tlyliah, Siaha liata 21st Lyuva Khutla 2023 (Cha-ypi) rônah kawpa ta â hmâhpa châ ta, Puhpa M. Laikaw, CEM, MADC cha Azipa châpa ta â hmâkhei ei.

Lyuva Khutla celebration programme he Puhpa K. Chhihrau, Chairman, Lyuva Khutla Organising Board ta chhihtha ta, Rev. T. Salaw, Moderator, ECM Assembly ta daihti Abeipa lâ pavaosana â hmâh.

Programme he 1st Session nata 2nd Session lâta pachhaihpa châ ta Ls. T. Cassidy nata St. MC. Beihrohmô zy ta phuahtuhpa châpa ta pahnie kawpa ta programme chhihtha ei ta, Puhpa FC. Zakhai ta Hladyuh pathluahna hnei ta, Puhpa K. Ngiabei nata Puhpa K. Thansiama ta Chiahmie ama tô.

Puhpa FC. Zakhai, Puhpa LH. Vabei, Puhpa J. Beichhihtha nata Puhpa Ismael Azyu zy ta Meithei kana daihti â hmâh ei ta, Puhpa JH. Nôtlia nata B. Hralai zy ta Dawhkhoh amâ chô.

MTP Branch, New Siaha ta pahnie kawpa ta pahyna hla ama paryh. Col. Bejoy R.SM. Commandant, 3 (NH) BN Assam Rifle ta biereina hnei ta, Lyuva khutla liata hruapa a chapa alyzie reita, MADC Golden Jubilee lia chhao ei vaw hlao hei aw a tah. Wheel chair, etc , ângiahpazy châta a hlâ pâ hra ei.

Elected Office holders, Ex-MDCs, All heads of Department, MADC, Moderator, ECM Assembly, NGOs chhihtuhpazy, MJA chhihtuhpazy, Mizoram Sawhkhâ ry liata Officers zy ta Jubilee dawh ei 50 ama tô.

MCHP 12 Branches tawhta Costume Parade ângia kawpa ta a‌patlaâhpa ta siena ama hnei.

Saliah Beinô châta Mari Nôpha, Vaihpi - 1, Siaha atlyhpa a châ. Saliah Beinô 1st runner up K. Thelma, Vaihpi - 111, Siaha. 2nd runner up S. Thainô, Meisavaih East, Siaha.

Saliah Beipaw châta Jordan, Meisavaih West, Siaha atlyhpa châ. 1st runner up Peter, Vaihpi - 1, Siaha. 2nd runner up Brandon, Meisatlâh, Siaha.

21st Lyuva Khutla 2023 Chhivaw châta laihsa Betsy Nôhro, New Colony, Siaha atlyhpatlohpa a châ. Khydi châta Joe B. Nohro, College Vaih, Siaha atlyhpatlohpa a châ.

Chhivaw best costume châta laihsa V. John Merry, College Vaih, Siaha atlyhpatlohpa a châ. Khydi best costume châta Steven BR. Hlychho, Meisavaih East atlyhpatlohpa a châ.

Vocational School of Education & Designing (VSE) zy ta cultural dress ta âtobipa ta Show ângia kawpa ama palâsa.

David Lai, T. Merisa, Suna Chanô, A. Chhualai, S. Siamkungi, John Litas, J. Ruby, J. Matha, Jessica Ngôdy Hlychho, Kurapia Band, Rock band Maraland Rock Society zy ta pahnie kawpa ta hlasapa ta zawpi ama palôhpahawh.

MTP 14 Branches zy ta Sawlâkia ângia kawpa ta lâh ei ta, Thosai MTP Branch zy ta Khocheinô lâ ama lâh. MTP Branch, New Colony, Siaha zy ta pahnie kawpa nata ângia kawpa ta Awhkhypa lâ ama lâh.

Puhpa K. Chhihrau ta Cha-ypi poh lona daihti â hmâh. Member secretary Puhpa JB. Chozah, Lyuva Khutla Organising Board ta alynabie reina a hnei.

Azipa Puhpa M. Laikaw, CEM, MADC ta Cha-ypi poh chaluahna a hnei khai tawhta biereina a hnei.

Azipa chata eima raihriapazy chalihsa chypa ta atanoh he su liata 21st Lyuva Khutla 2023 â hmâh awpa ta Khazohpa ta hnatlâna miah pie ta, aly kawpa ta â hmâh chyu awpa ta khokheina ei cha hlâ ei tahpa ta zawpi avypa zydua hnohta alynabie a reih.

CEM, MADC chata Azipa châ awpa ta na khokheituhpa Lyuva Khutla Organising Board member zydua chô lâ liata alynabie a reih.

Azipa chata New Maraland tao awpa ta Maraland Anti Drugs Committee paduapa châ ta, Awnanopa, NGOs nata MADC liata râh nôpawpazy chhaota hriaparaohpa ta tiama papuapa ta Drugs eimâ dyuh lymâ aw tahpa ta zawpi avypazy hnohta hriaparaohna phapa hnei awpa ta a hrua ei.

"Marasawzy cha-ypi rônah chaipa nata pasô chaipa Lyuva Khutla he cheihchalo via lymâ sih la, atanoh MADC ta a pachhuapanohpa Lyuva Khutla he alypa nata thapha ngaitapa ta, hawti chaipa tawhta uhthei chaipa taihta hmâh chyu awpa ta khokheina asâh chaipa ei cha hlâ ei" azipa ta a tah.

ISSUED BY:

Information & Publicity Department

Mara Autonomous District Council

Siaha.