PRESS RELEASE
NO.138/2024
SIAHA, 11 Di, 2024, Pakhynoh - Atanoh my dawh 11:00 AM pa ta pathaopa, a ei kha nawpa ta 2025 Lyuva Khutla Organising Board meeting cha CEM Conference Hall, MADC Complex liata hneipa a châ.
Meeting he Puhpa K. Vanlalliana, Executive Secretary, MADC nata Lyuva Khutla 2025 Organising Board Chairman a châ pâpa chhihthana ry liata hneipa châ ta, Revd. NC. Vabeilua, Member ta thlahchhâna a hnei khai tawhta agenda reina daihti pathaopa a châ.
He daihti liata kô 2025 Lyuva Khutla ahmâ nawpa su cha Siaha Tlyliah, Siaha Vaihpi liata ahmâ heih awpa ta pathlupa châ ta, tovyuh raina nata cultural item chi nano nanopazy pamosatuh awpa raonazy hleikhô ta ahmâ nawpa dâh saichhieliena zy hneipa a châ. Atanoh meeting liata biepathlupa hawhta MADC Art & Culture Department ta tovyuh raina order of programme a vaw tao khai tawhta zawpi lâ thlai pahnosana taopa a châ aw.
Mara Art & Culture Committee ta a vaw pathlupa nata MADC Executive Committee ta a paryhsa hapa hawhta hâhkô 2025 liata Lyuva Khutla, Mara Cha-ypi ahmâ nawpa daihti châta târi 14.02.2025 (February 14, 2025) raopa a châ.
Meeting he Zisu Thlahchhâ pachupa reiparaohpa ta pachhâsapa a châ.
ISSUED BY:
Information & Publicity Department
Mara Autonomous District Council
Siaha.
Attachment
- 469696250_997388255739410_3427695433539157449_n
- 469755352_997388422406060_2115538036299908007_n
- 469805717_997388399072729_5444176858546412903_n
- 469896521_997388082406094_4020479259466513466_n
- 469909607_997388175739418_7352514485114053579_n
- 469961130_997388109072758_1504707480436196883_n
- 470031611_997388392406063_2678064873616515328_n
- 470181136_997388069072762_7342625445576585175_n
- 470223947_997388119072757_5202490349376546100_n
