PRESS RELEASE

NO.146/2022

 

SIAHA, 10 Phiata, 2022, Hriatuanoh - Ahmiatua ta First Inter Sixth Schedule Councils Football Premier League (1st ISLP-2022) liata ahlao thei hra awpa ta byhnâ maniah pietuhpa eima Khazohpa hnohta alynabie ei reih. 

 

Puhpa ST. Vanmalsawmliana, Hon’ble Executive Member i/c Department of Sports & Youth Services, Puhpa JH. Beihnai, Sports & Youth Officer, MADC nata Staff-zy, SDFA chhihthatuhpa nata Team Maraland Player-zy, Mararâh chakaona liata ei hrialâhpa, Executive Members, MADC zydua nama tiamana nata hriapasana zydua vâta nama hnohta palôh hmeiseihpa ta alyna bie ei cha hlâ ei. 

 

Eima ti nata râh châta he ISPL-2022 liata tha nata zâh, sôh nata piah, palôhrupa ahmâhtuhpa zydua MADC vyuhpa ta alyna bie cha hlâ ei na ta, MADC vyuhpa ta tuapa Team Maraland deichhy awpa ta Bodoland taihta eima nôpawpa asiepazy Puhpa St. Vanmalsawmliana, Hon’ble Executive Member i/c Sports & Youth Service Dept. etc., Puhpa HC. Lalmalsawma Zasai, Hon’ble Dy. Chief Executive Member i/c Education, etc., Puhpa James TA Riatha, Hon’ble Executive Member i/c LAD, etc. Puhpa Beihruakhai, Hon’ble Executive Member i/c Agri. etc. palôh hmeiseihpa ta khokheina nata alyna ei cha hlâ chanei ei.

 

He Inter Sixth Schedule Councils châta Football ataopasuana pha kawpa ISPL-2022 Season – I hmiatua chaipa Bodoland Territorial Council ta avaw pachhuahpanoh theipa he aly â chhih tah na ta, arônah ei tah ngaita. He ISLP heta Northeast India liata Tribal nahzy apôhkhana nata reiraohna patlôsa ta, apahno thaina nata viasanazy, Football Sports lâta thyutliapazy hmahsiena nata deichhyna phapazy tlôkhei ta, eimâ ly ngaita.

 

He ISPL he keimo Marasawzy châta chhochi cha thyutliapazy châta Football arâpasuana kyh liata maniah deichhy theituhpa nata vâhneina maniah tlôkhei theituhpa chhao a châpa vâta aly â chhih pachaipa ta ei pahno. 

 

All India Football Federation ta a pahno kheipa nata â pykheipa châ ha ta, he ISPL liata Player phapazy cha India râh liata Football Club phapazy ta ama Club châta akhaih awpa ta ama hrua theipa nata chalei theipa châ ei ta, Player vâhneipazy châta cha nietluana châ chhao ta hmâ thei awpa avaw châ haw.  Aly â chhih ngaita.

 

He ISPL-2022 Season – I ataopasuana lia heta eima ti nata râh vyuhpa ta asiepazy ta pahniehna byhnâ ama to awpa he eima khoh chaipa nata hnabeiseih chaipa a châ. 

 

Chiehlei viapa duasu liata eimâ vaw y pathlei hapa chhao ta, palôhpasi phaopa ta eima thachhie awpa châ leipa ta, chiehlei viapa duasu liata y dâh chhao eima thai hra awpa deikua apeimawh ngaita.

 

First ISPL 2022 Season – I Kokrajhar, Bodoland (Assam) lâta MADC vyuhtuapa Team Maraland châ palaikhei pi ta, Mara zawpi vyuhpa ta khokheina sâh chaipa ei cha hlâ.

 

ISSUED BY:

Information & Publicity Department

Mara Autonomous District Council

Siaha.