PRESS RELEASE

NO.138/2022

 

SIAHA,  5 Phiata, 2022, Pakhynoh - Atamy dawh 6:30 Am rachhôh ta MADC Chief Executive Member maohphaona achaba haipa Puhpa Nahlô Solo, Hon'ble Executive Member i/c Land Revenue & Settlement Department ta pasyuna bie pha kawpa reipa ta Thlahchhâna ta 

1st inter Sixth Scheduled Councils Premier Football League-2022 (ISPL-2022), Kokrajhar, Bodoland Territorial Council liata ahlao awpa ‘Team Maraland’ cha CEM's Bungalow, Siaha tlyhmia tawhta a pathlie.

 

He pathliena Programme lia heta Puhpa JH. Beihnai, Sport & Youth Officer, MADC ta chhihtha ta, Sport & Youth Services Department liata Staff nata veiseihpa thokhazy ta ama deichhy. 

 

MADC vyuhtuapa Team Maraland zy he player 20 nata official pa 6 châ ei ta, Tata Sumo sâ 3 ta atamy kha Siaha tawhta amâ thaopa a châ.

 

1st ISPL-2022 he Bodoland Territorial Region (BTR) ta a host awpa châ ta, târi 9 October, 2022 pa ta pathaopa ta noh 14 chhôh ô awpa a châ. India râh liata Sixth Scheduled Councils zydua ahlao awpa a châ.

 

ISSUED BY:

Information & Publicity Department

Mara Autonomous District Council

Siaha.