PRESS RELEASE

NO.06/2023

SIAHA, 13 Nawh, 2023, Chutynoh - Atanoh my dawh 10:30 Am pa ta Puhpa N. Viakhu, Chairman, MADC chhihthana ry liata 12th Term MADC Deputy Chairman removal motion angiapa pasiana cha MADC Session Hall liata hneipa châ ta, he pasiana liata Deputy Chairman a châ ngâhaipa Puhpa M. Manasia cha remove awpa lâta vote a hluh via hapa vâta Deputy Chairman a châna tawhta pathlapa a châ. 

Deputy Chairman post a rua hapa vâta a thiehpa atly nawpa daihti raopa, he hawhta Chairman ta a phuah:-

Nomination file daihti : 14.1.2023, 10:30 Am - 3:00 Pm.

Nomination a withdraw khohpa châta a withraw daihti : 16.1.2023, dawh 3:00 Pm taihta 

Deputy Chairman atly daihti : 17.1.2023, 10:30 Am

Atanoh pyly he ta MADC Chairman a châ ngâhaipa Puhpa N. Viakhu removal motion angia hra ta, Chairman - ano sasyh kyh a châ vâta Panel of Chairman châta a raopa Puhpa N. Zakhai nata Puhpa ST. Vanmalsawmliana zy hry tawhta Puhpa N. Zakhai ta Chairman châna sie khei ta, Chairman ngâleina kyh discussion & voting hneipa a châ khô lâ ta, motion he apypa a châ lei vâta Puhpa N. Viakhu cha Chairman a châ pazi aw tahpa Panel of Chairman ta a phuah.

Panel of Chairman pasaina ta outgoing Deputy Chairman Puhpa M. Manasia ta biereina chyupa daihti hmâh ta, thla 6 chhôh MADC sawhkhâna a vaw siepa liata Deputy Chairman châta atlypatloh tuhpa a hrialâhpazy hnoh ta alynabie a reih.

Panel of Chairman ta House Leader Puhpa M. Laikaw biereina hnei awpa hrua ta, Puhpa M. Laikaw, House Leader & CEM chata a hrialâhpa House member zydua hnohta khokheina hlâ ta, Mararâh châta hrialâh pha kawpa châ chyu awpa ta hruana nata ahawna a tao.

Puhpa N. Zakhai, Panel of Chairman chata atanoh atyupahmaohna he daihti bitaihpa y leipa ta a pachhâsa.

ISSUED BY:

Information & Publicity Department

Mara Autonomous District Council

Siaha.