PRESS RELEASE

NO.39/2024

SIAHA, 4 Khihpa, 2024, Pobienoh – Atanoh dawh 1:00 PM liata 07-Chakhei Constituency tawhta by-election liata Member of District Council (MDC), 12th Mara Autonomous District Council  (MADC) châta atlypatloh thiehpa Puhpa Albert T. Sachu, MDC cha MADC Golden Jubilee Hall, Siaha liata Khazohpa nata zawpi hmiakô liata bietaina “oath-taking” a hnei.

Oath-taking Ceremony he Puhpa Pheiki Solo, Secretary to District Council, MADC ta chhihtha ta, daihti thaona liata Rev. Jimmy F. Sachai, ECM College Vaih biatuhpa ta Biehrai Pathaihpa 1 Samuel 2:3-8 reipapuana nata thlahchhâna a hnei.

Puhpa Pheiki Solo, Secretary to District Council, MADC ta Governor of Mizoram tawhta Puhpa Albert T. Sachu cha 07-Chakhei MDC Constutuency by-election liata atlypatlohpa a châna pa-ina Notification reipapuana hnei ta, he khai tawhta Puhpa K. Vanlalliana, Court President & Recorder, District Council Court, MADC ta Puhpa Albert T. Sachu he bietaina “Oath of Secrecy” a pahneisa.

07-Chakhei MDC Constituency seat ruapa pabie awpa ta târi 28.6.2024 kha ta by-election he hneipa châ ta, târi 2.7.2024 liata vote reina nata result phuahna hneipa a châ.

He by-election hneina 07-Chakhei MDC Constituency he biatuh a châ ngâhaipa (sitting) Puhpa K. Hrahmo ta Mizoram Legislative Assembly General Election, 2023 liata 40-Palak(ST) A/C tawhta Member of Legislative Assembly châta atlypatlohpa a châ vâta Member of District Council a châna apabâ ta, 07-Chakhei MDC Constituency seat ruapa he pabie byuhpa a châ.

ISSUED BY:

Information & Publicity Department

Mara Autonomous District Council

Siaha.